រាជធានីភ្នំពេញ ៖ អំណោយជាគ្រឿងឧបភោគបរិភោគ និងថវិកាមួយចំនួនត្រូវបានអនុសាខាកាកបាទក្រហមកម្ពុជាខណ្ឌដង្កោ និងសហគមន៍មូលនិធិនគរកាយវត្តព្រះពុទ្ធសាសនាកម្ពុជា នាំយកទៅចែកជូនដល់ប្រជាពលរដ្ឋក្រីក្រ១០គ្រួសារ នៅក្នុងសង្កាត់ព្រៃស ជាការចែករំលែកនូវទុក្ខលំបាក និងការខ្វះខាត ។ ពីធីចែកអំណោយខាងលើនេះបានប្រព្រឹត្តទៅកាលពីព្រឹកថ្ងៃទី១៤ វិច្ឆិកា ២០១២ ក្នុងភូមិព្រៃទីទុយ សង្កាត់ព្រៃស ខណ្ឌដង្កោ ។
អំណោយដែលនាំយកទៅចែកជូនដល់បងប្អូនប្រជាពលរដ្ឋនាឱកាសនោះ មានអំណោយរបស់អនុសាខាកាកបាទក្រហមខណ្ឌដង្កោ ក្នុងមួយគ្រួសារៗទទួលបានអង្ករចំនួន២៥គីឡូក្រាម មី១កេស ទឹកត្រី១យួរ ទឹកស៊ីអីុវ១យួរ ត្រីខ៦កំប៉ុង ឆ្នាំង១ ធុងទឹកកក១ កំសៀវទឹក១ ផ្តិល១ តែ៣កញ្ចប់ ស្ករស២កញ្ចប់ និងថវិកា១០ម៉ឺនរៀល ។ ដោយឡែកអំណោយរបស់សហគមន៍មូលនិធិនគរកាយវត្តព្រះពុទ្ធសាសនាកម្ពុជាក្នុង១គ្រួសារៗទទួលបានអង្ករចំនួន២៥គីឡូក្រាម មី១០កញ្ចប់ ទឹកដោះគោ១កំប៉ុង ស្ករស១គីឡូក្រាម ត្រីខ២កំប៉ុង ទឹកត្រី២ដប ទឹកស៊ីអីុវ២ដប តែ៥កញ្ចប់ ទឹកក្រូច២កំប៉ុង និងថវិកាចំនួន៥ម៉ឺនរៀល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ